Таяу Шығыстағы ахуалға қарамастан, қазақстандықтар Біріккен Араб Әмірліктеріне демалу үшін бара түскен, деп хабарлайды Ulysmedia.kz.
Сыртқы істер министрлігінде өткен брифингте ведомствоның ресми өкілі Айбек Смадияров Қазақстаннан БАӘ-ге қатынайтын рейстердің жалғасып жатқанын растады.
Қазір Таяу Шығыстағы жағдай белгісіз күйде (ахуал тұрақсыз – ред.). Сондықтан ол жаққа демалуға бармас бұрын жақсылап ойланған жөн. Әзірге ұшақтар ұшып жатыр, бірақ кез келген сәтте рейстер тоқтап қалуы мүмкін. Ал ондай жағдайда қазақстандықтардың елге қалай қайтатын-қайтпайтыны үлкен сұраққа айналады. Ұшақтар лық толы. Қазақстандықтар ықтимал қауіпке қарамастан Дубайға ұшып жатыр, – деді Смадияров.
Кеше дипломаттармен сөйлестім. Олардың айтуынша, соңғы 6-7 рейс (әмірліктерден – ред.) лық толы ұшып келген. Бұл – бір-ақ күннің көрсеткіші. Соңғы бірнеше күнде, бір аптада қанша адам келгенін өзіңіз есептей беріңіз, – деді ол.
Бұған дейін Қазақстанның туризм және спорт министрлігі азаматтарға сапарларын, әсіресе БАӘ мен Парсы шығанағы елдеріне баруды мұқият жоспарлау керек деп кеңес берген болатын.