Таразда жол сапасына байланысты тұрғын үй-коммуналдық шаруашылығы бөліміне 6,2 миллион теңге айыппұл салынды, деп хабарлайды Ulysmedia.kz.
МӘН-ЖАЙ
Тараз қаласының әкімшілік құқық бұзушылықтар жөніндегі мамандандырылған ауданаралық соты Қордай ауданы әкімдігінің "ТКШ, жолаушылар көлігі және автомобиль жолдары бөлімі" коммуналдық мемлекеттік мекемесін полицияның 16 нұсқамасын орындамағаны үшін әкімшілік жауапкершілікке тартып, 6,2 миллион теңгеден астам айыппұл салды.
2025 жылдың ақпан-наурыз айларында Тараз қаласының полициясы Қордай ауданы әкімдігіне көше-жол желісінің жағдайын жақсартуға қатысты 16 нұсқама жолдаған. Алайда олар уақытында орындалмаған. Нәтижесінде 16 әкімшілік іс қозғалып, кейін бір өндіріске біріктірілген.
ТКШ бөлімінің өкілі нұсқамалардың орындалмауын мемлекеттік сатып алу және конкурс өткізу рәсімдеріндегі кідірістермен түсіндірді. Дегенмен, соттың баспасөз қызметінің мәліметінше, кінә нақты дәлелдермен – жолдардың жай-күйі жөніндегі актілер мен полиция нұсқамалары арқылы расталған.
СОТ ҮКІМІ
Сот коммуналдық мемлекеттік мекемені әкімшілік құқық бұзушылық туралы кодекстің 462-бабының 3-бөлігі бойынша – "Мемлекеттік бақылау органдарының заңды талаптарын орындамау" бабымен кінәлі деп танып, мекемеге 6,2 миллион теңгеден астам көлемде айыппұл салды.