ТОЛЫҒЫРАҚ
Арман Исетов Сыртқы істер министрінің орынбасары қызметіне тағайындалды.
Тиісті жарлыққа президент Қасым-Жомарт Тоқаев қол қойды.
Ол бұған дейін атқарған Қазақстан Республикасының Таиланд Корольдігіндегі төтенше және өкілетті елшісі лауазымынан босатылды.
ӨМІРБАЯН
Арман Исетов 1975 жылы 17 желтоқсанда Қостанай облысында дүниеге келген.
1993-1998 жылдары әл-Фараби атындағы қазақ мемлекеттік ұлттық университетінде білім алған.
Қазақстан Республикасы Сыртқы істер министрлігінің Халықаралық құқық департаментінде әртүрлі лауазымда қызмет еткен.
- Қазақстан Республикасы Сыртқы істер министрлігі Халықаралық құқық департаментінің басқарма басшысы;
- Біріккен Ұлттар Ұйымының жанындағы Қазақстан Республикасы Тұрақты өкілдігінің бірінші хатшысы;
- Қазақстан Республикасы Сыртқы істер министрлігі Көпжақтық ынтымақтастық департаментінің басқарма басшысы;
- Қазақстан Республикасы Сыртқы істер министрлігі Халықаралық құқық департаменті директорының орынбасары;
- Қазақстан Республикасы Сыртқы істер министрлігі Халықаралық құқық департаментінің директоры;
- Біріккен Ұлттар Ұйымы жанындағы Қазақстан Республикасының иұрақты өкілінің бірінші орынбасары;
- Қазақстан Республикасының БҰҰ Азия мен Тынық мұхитқа арналған Экономикалық және әлеуметтік комиссиясы жанындағы тұрақты өкілі;
- Қазақстан Республикасының Таиланд Корольдігіндегі төтенше және өкілетті елшісі қызметтерін атқарған.