Синоптиктер алдағы демалыс күндері ауа райы қандай болатынын айтты, деп хабарлайды Ulysmedia.kz.
АУА РАЙЫ
Жылы күндерден кейін Қазақстан аумағына Батыс антициклоны ығыса бастайды. Суық ауа массаларымен толығып, ол еліміздің басым бөлігінде ауа температурасының айтарлықтай төмендеуін әкеледі – солтүстік пен шығыста күндізгі уақытта сынап бағаны +12…+17 градусқа дейін төмендейді.
Тіпті оңтүстік өңір тұрғындары да күздің жақындағанын сезінеді – аптап ыстықтың беті қайтып, +23…+28 градус жылы күтіледі. Тек еліміздің батысы Иран аймақтарынан келетін жылы ауа массаларының ықпалында болып, мұнда ауа температурасы біртіндеп көтеріліп, +32…+37 градусқа дейінгі қатты ыстық күтіледі.