Қаржы министрлігі жеке тұлғалардың активтері мен міндеттемелері туралы декларация тапсыру тәртібін жаңартуға бағытталған бұйрық жобасын дайындады, деп хабарлайды Ulysmedia.kz.
Толығырақ
Жоба 2018 жылғы Қаржы министрінің бұйрығына өзгерістер енгізіп, оны жаңартылған Салық кодексіне сәйкестендіруді көздейді. Түзетулердің негізгі себебі – жаппай декларациялаудың төртінші кезеңінен бас тарту және декларация тапсыруға міндетті азаматтар санатын нақтылау.
Енді декларацияда шетелдік брокерлік шоттардағы ақша қаражаттары туралы ақпаратты көрсету талап етіледі. Министрлік бұл өзгерістердің мақсаты – қаржылық операциялардың ашықтығын арттыру, салықтан жалтару қаупін азайту және табыс пен мүлікті бақылаудың тиімді жүйесін құру деп түсіндірді.
Ведомствоның есебінше, қысқа мерзімде жоба есеп тапсыруға міндетті азаматтар санатын нақтылуға мүмкіндік береді. Ал ұзақ мерзімде шетелдік шоттарды табысты жасыру үшін пайдалану азайып, Қазақстан бюджетіне түсетін қаражат көлемі артады деп күтілуде.
Контекст
Өткен жылы президент Қасым-Жомарт Тоқаев жаппай декларациялауға қатысты тәсілдерді қайта қарауды тапсырған болатын. Соның нәтижесінде қаржы министрлігі азаматтарды салық органдарына есеп беруден босатуды ұсынды. Алайда мемлекеттік кірістер комитеті түзетулер дайындап, декларациядан барлық азамат емес, тек белгілі бір санаттар ғана босатылатынын нақтылады.