Жамбыл облысы полиция департаменті бастығының орынбасары қызметінен босатылып, уақытша ұстау изоляторына қамалды, деп хабарлайды Ulysmedia.kz.
ТОЛЫҒЫРАҚ
Ведомство мәліметінше, полицейді өзіндік қауіпсіздік департаменті заңға қайшы әрекет жасады деген күдікпен ұстаған.
– Ол 2025 жылғы 29 тамыздағы ішкі істер министрінің бұйрығымен теріс себептер бойынша қызметінен босатылды. Ішкі істер министрлігінің заң мен антқа опасыздық жасағандарды анықтап, жауапқа тарту мәселесінде ұстанымы қатаң, – делінген ресми хабарламада.
Қазір алдын ала тергеу амалдары жүргізіліп жатыр.
Еске салайық, бұған дейін Шымкентте полицей әйелді қағып өлтіргенін хабарлаған едік.