Синоптиктер Қазақстанда біртіндеп күн салқындайтынын болжап отыр, деп хабарлайды Ulysmedia.kz.
ТОЛЫҒЫРАҚ
“Қазгидромет” РМК мәліметінше, Қазақстан аумағына Батыс антициклоны ығыса бастады.
– Суық ауа массаларымен толыққан ол еліміздің басым бөлігінде ауаның айтарлықтай салқындауына әкеледі. Солтүстік пен шығыста күндізгі уақытта температура +12…+17 градусқа дейін төмендейді, – делінген хабарламада.
Сондай-ақ, оңтүстік өңірлердің тұрғындары да күздің жақындағанын сезінеді – аптап ыстық басылып, ауа температурасы +23…+28 градусқа дейін төмендейді.
Тек Батыс Қазақстанда ғана Иран аймақтарынан келген жылы ауа массаларының ықпалы сақталады. Мұнда ауа температурасы біртіндеп көтеріліп, +32…+37 градусқа дейін ыстық болады.