«Қазгидромет» 2025 жылғы 26 қазанға арналған ауа райы болжамын ұсынды, деп хабарлайды Ulysmedia.kz.
ТОЛЫҒЫРАҚ
Болжам бойынша, еліміздің солтүстігінде, шығысында, орталығында және оңтүстіктің таулы аймақтарында жауын-шашын, негізінен жаңбыр жауады.
Қазақстанның батысы мен солтүстік-батысында жауын-шашынсыз.
Түнгі және таңертеңгі уақытта республика бойынша тұман түседі. Орталық өңірлерде түнде көктайғақ болады, ал оңтүстікте күндіз найзағай ойнайды. Сондай-ақ оңтүстікте және шығыста жел күшейеді.
ӨРТ ҚАУПІ
Маңғыстау, Ұлытау облыстарында, Атырау облысының солтүстік-шығысы мен оңтүстік-шығысында, Ақтөбе облысының оңтүстігі мен шығысында, Жамбыл облысының оңтүстігі мен орталығында, Қызылорда облысының солтүстігі мен орталығында, Алматы және Қарағанды облыстарының батысында, Қостанай және Ақмола облыстарының оңтүстік-батысында, сондай-ақ Абай облысының оңтүстігінде өрт қаупі жоғары деңгейде сақталады.
Қызылорда, Түркістан облыстарында, Атырау облысының оңтүстігі мен шығысында, Жамбыл облысының батысы мен солтүстігінде, Ақтөбе облысының батысы, солтүстік-шығысы және орталығында, Алматы облысының солтүстігінде, Қостанай облысының оңтүстігінде және Ұлытау облысында төтенше өрт қаупі бар.