2026 жылғы әлемнің үздік қалалар тізімі жарияланды: Қазақстан қаласы бар ма

ТОЛЫҒЫРЫҚ

Resonance Consultancy сарапшылары 2026 жылғы World’s Best Cities рейтингін жариялады. 270 мегаполис бағаланған бұл тізімде экономика, қауіпсіздік, инфрақұрылым, мәдени өмір және қалада өмір сүруге деген ықылас секілді ондаған критерий ескерілген.

«Біз тек сандарға емес, сезімге де қараймыз. Қала бай болуы мүмкін, бірақ егер ол шабыт бермесе — ол үздік емес», — деп түсіндірді зерттеу авторлары.

2026 ЖЫЛҒЫ ҮЗДІК 5 ҚАЛА:

1. Лондон — қатарынан 11 жыл бойы әлемнің №1 қаласы. Ол өркендеу, тартымдылық және өмір сапасы бойынша көш бастады. 2024 жылы шетелдік туристер мұнда 22 миллиард доллар жұмсаған.
2. Нью-Йорк — «Үлкен алма» екінші орынға көтерілді. 2024 жылы қалаға 65 миллион адам келген. Манхэттендегі жалдау ақысы айына 5200 доллар, бос пәтер жоқтың қасы.
3. Париж — қалада 4500 жаңа пәтер пайда болды, көшелер жаяу жүргіншілер мен велосипедшілерге ыңғайлы етіп қайта жасақталуда.
4. Токио — 2024 жылы 37 миллион турист қабылдады. 2030 жылға қарай Tokyo Sky Corridor атты жасыл аспалы променад ашылады.
5. Мадрид — алғаш рет Сингапурды басып озып, үздік бестікке енді. Bosque Metropolitano — Еуропадағы ең үлкен қалалық орман қаланы қоршап тұр.

10 үздік қаланың қатарына Сингапур, Рим, Дубай, Берлин және Барселона енді. Сарапшылар бұл қалаларды инвестиция, туризм және өмір сүру үшін ең қолайлы деп бағалады.

Одан кейінгі орындарда Сидней, Лос-Анджелес, Сеул, Амстердам, Пекин, Шанхай, Торонто, Сан-Паулу, Гонконг, Стамбул, Мельбурн, Бангкок, Осака, Осло, Стокгольм қалалары жайғасқан. Орталық Азия қалалары бұл рейтингке енбеген.