Қасым-Жомарт Тоқаевтың Ресейге сапарының құрметіне Президент Владимир Путиннің атынан Кремльде мемлекеттік қабылдау өтті, деп хабарлайды Ulysmedia.kz.
ТОЛЫҒЫРАҚ
“Ақорда” телеграмм арнасының хабарлауынша Қазақстан президенті өз сөзінде тарихқа шегініс жасаған.
– Қиын жылдарда біз бір-бірімізді қолдап, иық тіресіп қатар тұрдық. Бірге талай қиындықты жеңдік, бүгінде жадымызда сақтап, жүрегіміздің төрінде қастерлеп ұстайтын Ұлы Жеңіске бірлесіп жеттік. Ата-бабамыздан «Құдай қосқан көрші» деген сөз қалған. Ресей – Қазақстанның Құдай қосқан көршісі, – деді Қазақстан президенті.
Жауап ретінде Ресей президенті Путин де осыған ұқсас пікір білдірген.
«Қазақстан – Ресейдің одақтасы, стратегиялық серіктесі және тату көршісі. Біз бұл елмен достыққа, өзара сенім мен құрметке негізделген көпжоспарлы және теңқұқылы қарым-қатынас құрып жатырмыз». - деді Путин.
БҰҒАН ДЕЙІН
Қазақстан мен Ресей президенттері келіссөз жүргізгенін хабарлаған едік.
Тоқаев тауар айналымын 30 миллиард долларға дейін арттыру міндеті қойылғанын атап өтті.