Қатерлі ісікке қарсы күресіп жүрген қазақстандықтар да, Еуропа тұрғындары сияқты, Беларуське барып емделеді, деп хабарлайды Ulysmedia.kz.
ТОЛЫҒЫРАҚ
Беларусьтегі Онкология және медициналық радиология жөніндегі республикалық ғылыми-практикалық орталық (РҒПО) Еуропадан, Қазақстаннан, Өзбекстаннан және Әзербайжаннан келген пациенттер санының айтарлықтай артқанын мәлімдеді.
ШАРТТАР
Орталық директоры Сергей Поляковтың айтуынша, Беларусьте тұратын және жұмыс істейтін шетелдіктер онкологиялық емді тегін алады. Ал егер адам елге тек медициналық қызмет алу үшін келсе — ем ақылы негізде көрсетіледі.
Орталықта шетелдік пациенттерге миелом ауруы бойынша да ем көрсетіле бастаған. Жақын уақытта қатты ісіктерге арналған CAR-T жасушалық терапияның жаңа әзірлемелері енгізіледі деп күтілуде. Поляковтың сөзінше, бұл ем көптеген елдерге қарағанда әлдеқайда арзан.
- Германияда мұндай емнің құны — €500 000, Қытайда — шамамен $200 000–300 000, ал бізде — $50 000–55 000 шамасында, — деп келтіреді дәрігердің сөзін БелТА.