Әлеуметтік желіде бұрынғы мемлекеттік қызметкер Руслан Құнабаев салымшыларды алдағаны туралы шағым айтылып жатыр, деп хабарлайды Ulysmedia.kz.
ТОЛЫҒЫРАҚ
Тұрғындардың айтуынша, ол құрған Emir’s Group компаниясы Астанадағы «Клубный Дом» және Қосшы қаласындағы «Абай» шағын ауданындағы нысандар бойынша қаражат жинаған.
Әзірше оқиғаның егжей-тегжейі туралы мәлімет жоқ. Видеода Руслан Құнабаевтың бірнеше тұрғынға тізім бойынша ақшаны қайтаруға уәде етеді.
Тұрғындар алаяқтық бабы бойынша іс қозғалған, бірақ оны қамауға алмағанын да айтты.
АНЫҚТАМА
Руслан Құнабаев – бұрынғы мемлекеттік қызметкер. Ұлыбританиядағы Стаффордшир университетінде заң және бизнес саласы бойынша білім алған. Әр жылдары Малайзиядағы ҚР Елшілігінде, ҚР Индустрия және жаңа технологиялар министрлігінде, кейін ОҚО әкімі аппараты мен Қорғаныс және аэроғарыш өнеркәсібі министрлігінде басшылық қызметтер атқарған.
Соңғы лауазымы – халықаралық ынтымақтастық департаменті директорының орынбасары.