Алматыда түнде төрт автокөлік соқтығысты. Апат Рысқұлов пен Сүйінбай көшелерінің қиылысындағы көпірде болды, деп хабарлайды Ulysmedia.kz.
ТОЛЫҒЫРАҚ
Полиция мәліметінше, Рысқұлов бойымен шығысқа қарай қозғалған Haval көлігінің жүргізушісі автокөлік тізгініне ие бола алмай, алдымен өзімен бағыттас келе жатқан Chery көлігіне соғылған. Соққыдан кейін Chery қарсы жолаққа ұшып кетіп, ол жақта тағы екі көлікпен – Audi және Hongqi-мен соқтығысқан.
Апат салдарынан бірнеше адам зардап шекті. Haval жүргізушісі ауыр халде жақын маңдағы ауруханаға жеткізілді. Audi жүргізушісі мен Hongqi жолаушысы облыстық стационарға жеткізілді.
Еске салайық, бұған дейін Алматы – Бішкек тас жолында болған жол апатынан алты адам қаза тауып, бесеуі зардап шеккенін жазған едік.