Атырауда зиратты талқандады деген күдікпен үш жасөспірім ұсталды, деп хабарлайды Ulysmedia.kz.
ТОЛЫҒЫРАҚ
Еркінқала ауылы маңындағы қабірлердің бүлінуіне қатысты полиция сотқа дейінгі тергеу бастағанын мәлімдеді.
– Күдіктілер анықталып, ұсталды. Үш күдікті полиция бөліміне жеткізілді. Олардың барлығы кәмелетке толмаған, тергеу барысында олардан заңды өкілдерінің қатысуымен жауап алынып жатыр, – делінген хабарламада.
Қазір заңда барлық тергеу амалы жүргізіліп жатыр.
Кәмелетке толмағандар ішкі істер органдарының есебіне қойылады, ал іс материалдары кәмелетке толмағандар ісі жөніндегі комиссияға жіберіледі.
Тергеу барысында құқықбұзушылардың ата-аналарын жауапкершілікке тарту мәселесі де қаралады.