Қазақстан желтоқсан айында Қашаған кен орнынан Қытай бағыты арқылы алғаш рет 50 мың тонна мұнай экспорттамақ. Бұл туралы KAZENERGY қауымдастығы кеңесінің 44-ші отырысының кулуарында энергетика министрі Ерлан Ақкенженов айтты, деп хабарлайды Ulysmedia.kz.
ТОЛЫҒЫРАҚ
Министрдің айтуынша, әңгіме жаңа бағыт ашу туралы емес, бұрыннан бар бағыттарды пайдалануға қатысты.
— Мұнда таңғаларлық ештеңе жоқ. Бұл — бұрыннан бар, жұмыс істеп тұрған маршрут, сондықтан оны қолдануға болады. Егер акционерлер Қытайға мұнай жеткізуді қаласа және техникалық тұрғыда мүмкіндік болса — мархабат, — деді министр.
Ал жеткізілім көлемін арттыру мәселесі әзірге ашық күйде қалып отыр және бұл мұнай компанияларының өзіне байланысты болмақ.
— Мұның бәрі жүк жөнелтушілерге байланысты. Егер олар осы бағыт бойынша көлемді сақтауды немесе ұлғайтуды қаласа, энергетика министрлігі қарсылық білдірмейді, — деп атап өтті Ақкенженов.
Сондай-ақ министр мұнай бағасына қатысты болжам жасап, барреліне 60–65 доллар шамасын атады.