Медициналық және фармацевтикалық бақылау комитеті медициналық ұйымдардың біліктілік талаптарына сәйкестігін тексеру бойынша жоспарлы бақылау шараларын қайта бастайды, деп хабарлайды Ulysmedia.kz.
ТОЛЫҒЫРАҚ
2026 жылға арналған кестеге сәйкес, бақылау шаралары 118 мемлекеттік және жекеменшік медициналық ұйымды қамтиды.
Тексеру барысында негізгі назар:
білікті медициналық кадрлардың болуына,
қажетті медициналық жабдықтардың жеткіліктілігіне,
ғимараттар мен үй-жайлардың белгіленген санитарлық және техникалық талаптарға сәйкестігіне аударылады.
Сонымен қатар, 2026 жылдың бірінші жартыжылдығында 57 медициналық ұйымға профилактикалық бақылау жүргізіледі. Бұл тексерулер мамандардың нысанға барып, алдын алу сипатында жүзеге асады.
Аталған шаралар:
заңбұзушылықтардың алдын алуға,
медициналық көмектің сапасы мен қауіпсіздігін арттыруға,
пациенттердің құқықтарын қорғауға бағытталған.
Айта кетейік, Медициналық және фармацевтикалық бақылау комитетінің соңғы жоспарлы тексерістері 2023 жылы өткізілген.