Ақмола облысында «Көкшетау» мемлекеттік ұлттық табиғи паркі аумағында заңсыз аң аулау дерегі бойынша (ҚР ҚК-нің 337-бабы) айыптау үкімі шығарылды, деп хабарлайды Ulysmedia.kz.
ТОЛЫҒЫРАҚ
Үш ер адам «Көкшетау» МҰТП Зеренді филиалының қорғау аймағында үш бас сібір елігін заңсыз атып, табиғатқа елеулі зиян келтірген. Іс алқабилердің қатысуымен қаралды.
Сотталушылар кінәсін мойындамағанына қарамастан, Зеренді ауданы прокуратурасының мемлекеттік айыптаушысының қағидаттық ұстанымының арқасында олардың кінәсі толық дәлелденді.
СОТ ҮКІМІ
Сот үкімімен қылмысты ұйымдастырушы 6 жылға бас бостандығынан айырылды, екі сыбайласы әрқайсысы 2 жыл 8 айға сотталды. Қылмыс жасау кезінде пайдаланылған автокөлік мемлекет кірісіне тәркіленді.
Үкім заңды күшіне енді. Бұл – аталған ауданда жыл басынан бері ҚР ҚК-нің 337-бабының ауыр бөлігі бойынша шығарылған екінші айыптау үкімі.