Энергетика министрі Ерлан Ақкенженов мұнайды экспорттаудың басқа жолдарын қарастыруға қатысты пікір білдірді, деп хабарлайды Ulysmedia.kz.
ТОЛЫҒЫРАҚ
Ақкенженовтің сөзінше, қазіргі уақытта қосымша экспорттық бағыттар бойынша жұмыстар жүргізіліп жатыр.
- Өздеріңізге белгілі, біздің мұнайымыздың 80 пайызы Каспий құбыры консорциумы арқылы экспортталады. Оған қосымша Атырау – Самара бағыты 8,8 млн тонна мұнай тасымалдайды. Қазақстан – Қытай мұнай құбырында 1 млн және оған қосымша 10 млн Ресей транзитін қалыптастырып жатырмыз. Қосымша бағыт 2,2 млн Ақтау портынан Махачкала портына дейін мұнай тасымалдап жатырмыз. Ақтау арқылы Әзербайжанға дейін 1,5 млн тонна тасымалдауды қамтамасыз еттік. Қазақстан мұнайын тасымалдау үшін ең тиімді бағыт, менің ойымша, Баку–Тбилиси–Джейхан бағыты. Қазір 2,2 миллионға келісімшарт жасалды. Физикалық тұрғыда 7 миллионға дейін ұлғайтуға мүмкіндік бар, – дейді министр.
КОНТЕКСТ
Бұған дейін Қазақстан Теңіз кен орнынан 600-700 мың тонна мұнай жеткізудің тоқтатылуына байланысты табыстан қағылуы мүмкін екені хабарланған. Бұған 18 қаңтарда трансформаторда шыққан өрт себеп болған. Апат электрмен жабдықтауда іркіліс туғызып, өндіру жұмыстарының ақпан айына дейін тоқтауына әкелуі мүмкін.