Ақмола облысына қарасты Қосшы қаласында жол жиегінен шала туған нәрестенің денесі салынған пакет табылды. Бұл туралы ақпарат әлеуметтік желілерде тарады, деп хабарлайды Ulysmedia.kz.
МӘН-ЖАЙ
Жергілікті пабликтердің мәліметінше, пакет жеке сектор аудандарының бірінен табылған. Оның ішінде жаңа туған нәрестенің денесі болған. Алдын ала дерек бойынша, жүктілік мерзімі шамамен 6-7 ай болуы мүмкін. Әзірше сәби өлі туған ба, әлде туғаннан кейін көз жұмған ба – белгісіз.
ПОЛИЦИЯ НЕ ДЕЙДІ
Ақмола облыстық полиция департаментінің хабарлауынша, аталған факті бойынша сотқа дейінгі тергеп-тексеру басталды. Қазір оқиғаның барлық мән-жайын анықтауға бағытталған тергеу шаралары жүргізіліп жатыр.