Босфор бұғазынан 24 шақырым жерде түркиялық компанияға тиесілі мұнай танкеріне ұшқышсыз ұшу аппараттары шабуыл жасады, деп хабарлайды Ulysmedia.kz.
ТОЛЫҒЫРАҚ
Жергілікті БАҚ мәліметінше, танкер Ресейден 140 мың тонна мұнай тасымалдап келе жатқан. Шабуыл салдарынан кеменің палубасы мен қозғалтқыш бөлімі зақымданған.
Кемеде 27 экипаж мүшесі болған, олардың барлығы Түркия азаматтары. Зардап шеккендер жоқ.
Marinetraffic сервисінің дерегіне сәйкес, танкер Новороссийскіден Ыстамбұлға бағыт алған.
Оқиға орнына жағалау күзеті мен төтенше қызметтер жеткен. Ұшқышсыз аппараттардың кімге тиесілі екені әзірге белгісіз. Түркия билігі бұл жағдайға қатысты ресми түсініктеме берген жоқ.