Қазақстан мен Ресей арасындағы тауар айналымы туралы ақпаратты Сауда және интеграция министрлігі мәлімдеді, деп хабарлайды Ulysmedia.kz.
Көлем ұлғайды
Министрлік мәліметінше, 2026 жылдың бірінші тоқсанының қорытындысы бойынша Қазақстан мен Ресей арасындағы тауар айналымы 6,46 млрд долларға жетіп, өткен жылдың сәйкес кезеңімен салыстырғанда 16,1%-ға өскен. Қазақстанның РФ-ға экспорты бұрынғысынша негізінен металлургия және шикізат өнімдерінен тұрады.
Сонымен қатар негізгі өсім Ресейден Қазақстанға келетін импорт көлемінде тіркелді. Қаңтар-наурыз айларында импорт 28,5%-ға артып, 4,96 млрд долларды құрады.
Өсім уран бойынша байқалды: оның импорты 2486 есеге өсіп, 258,5 млн долларға жетті.
Бұдан бөлек Қазақстан ресейлік табиғи газ импортын шамамен екі есеге – 499 млн долларға дейін ұлғайтты, ал өңделмеген және жартылай өңделген алтын жеткізілімі 36,5 есеге өсіп, 211,2 млн долларды құрады. Өсім мұнай өнімдері, бидай, бағалы металдар кендері және теміржол вагондары бойынша да байқалған.
"Өзара сауданың оң динамикасы Қазақстан мен Ресейдің жоғары экономикалық даму деңгейін, өнеркәсіптік кооперацияның кеңеюін және екі елдің өнеркәсіп салаларының өнімдеріне деген тұрақты сұранысты көрсетеді", – деп есептейді Сауда және интеграция министрлігіндегілер.