Ұлттық ұлан Ақтаудан әскерге шақырылған сарбаздың Ақтөбедегі №6655 әскери бөлімінде соққыға жығылғаны туралы мәлімдемесінен кейін соталды тергеу басталғанын айтты, деп хабарлайды Ulysmedia.kz.
Тексеруді ІІМ Батыс өңірлік әскери-тергеу басқармасының Ақтөбе бөлімі жүргізіп жатыр. Lada.kz мәліметінше, «Батыс» өңірлік қолбасшылығы сарбаздың расында осы әскери бөлімде қызмет ететінін және қазір ауруханада жатқанын растады.
«Тергеу органдары болған оқиғаның барлық мән-жайын анықтап жатыр. Жан-жақты әрі объектив тексеру қорытындысы бойынша тиісті құқықтық баға беріледі», — деп хабарлады ведомство.
Еске салайық, Ақтаудың 18 жастағы тұрғыны Досымбет 3 шілдеде мерзімді әскери қызметке шақырылып, Ақтөбеге жіберілген.
Анасы Гүлдана Кетібаеваның айтуынша, 4 қыркүйекте оған ауруханадан қоңырау шалып, ұлының үш күннен бері сонда жатқанын хабарлаған.
Алдымен сарбазды уролог тексерген, алайда сараптама инфекция анықтамаған. Кейін оны травматолог қараған.
Анасының айтуынша, дәрігермен сөйлескеннен кейін ұлы әскери бөлімде өзін ара-тұра ұрып-соғатынын айтқан.
Кейін полиция бөлімшесінен бейнебайланысқа шыққан сарбаз бұған аға сержант пен тағы екі сержанттың қатысы бар екенін мәлімдеген.
Сарбазбен сөйлескеннен кейін травматолог полиция шақырған. Әскери қызметші арыз жазды.