3-5 қараша аралығында елдің басым бөлігінде жауын-шашынсыз ауа райы сақталады. Тек елдің батысы мен шығысында жауын-шашын түседі, деп хабарлайды Ulysmedia.kz.
Қай өңірлерде жауын-шашын болады?
3 қарашада елдің шығысында қар жауады. Кей жерлерде қар қалың түсіп, көктайғақ болады.
4-5 қарашада солтүстік-батыстан циклон келіп, батыс өңірлерде жаңбыр жауады. Кей жерлерде нөсер жаңбыр болуы мүмкін.
Елдің барлық өңірінде жел күшейіп, түнде және таңертең тұман түседі.
Ауа температурасы
Батыс өңірлерде күндіз ауа температурасы +13…+21 градустан +6…+19 градусқа дейін төмендейді.
Оңтүстік-шығыста да күн салқындап, температура +13…+18 градустан +10…+15 градусқа дейін түседі.
Қалған өңірлерде ауа температурасы айтарлықтай өзгермейді.
Контекст
Бұған дейін "Қазгидромет" РМК синоптиктері бүгін, 2 қарашада елдің бірнеше өңірінде қолайсыз ауа райына байланысты ескерту жасаған еді.