ОПЕК+ келісіміне қатысушы елдердің министрлік отырысы барысында Энергетика министрі Мағзұм Мырзағалиев Қазақстанның келісімге беріктігін және өз міндеттемелерін орындауға дайындығын растады, деп хабарлайды ulysmedia.kz.
ҚР Энергетика министрлігі баспасөз қызметінің мәліметінше, Қазақстанның Энергетика министрі ел алдағы айларда өндірісті одан әрі біртіндеп арттыратынын атап өтті. Отырыс қорытындысы бойынша ОПЕК+ елдерінің ағымдағы өндіру деңгейін келісімге қатысушылар шектеулерді алып тастағанға дейін ай сайын тәулігіне 400 мың баррельге ұжымдық арттыру туралы шешім қабылданды.
Осылайша, ОПЕК+ шеңберінде Қазақстан үшін квота қазанда тәулігіне 1,524 млн.баррельді құрайды және ай сайын өндіру орташа есеппен тәулігіне 16 мың баррельге артатын болады.