Мәжіліс кулуарларында ІІМ басшысы қостанайлық полицейдің ұсталғанын растады. Оған есірткі сатты және таратты деген айып тағылып отыр, деп хабарлайды Ulysmedia.kz.
"Иә, біз оны ұстадық. Қазір бұл іс бойынша тергеу жүріп жатыр. Осындай қылмыс жасайтын әрбір оңбаған біздің заңнамаға сәйкес жазаланады", - деп атап өтті Марат Ахметжанов.
Министрдің айтуынша, ұсталған полицейге қатысты қамауға алу түріндегі бұлтартпау шарасы қолданылған.
"Қызметтік тексеру жүргізілуде, оның нәтижелері бойынша, егер кінәлі адамдар болса, заңда белгіленген жауапкершілікке тартылады", - деп түйіндеді ІІМ басшысы.