Талдықорған қаласының әкімдігі шаһар басшысы Әсет Масабаевтың ауруханаға түскенін растады, деп хабарлайды Ulysmedia.kz.
Әкімнің ауруханаға түсуіне жоғары қан қысымы себеп болғаны хабарланды.
«Бірнеше күн бұрын ауруханаға түсті. Жұмыс уақытында қан қысымы көтеріліп, жедел жәрдем көлігі келіп, жұмыстан алып кетті. Жансақтау бөлімінен жалпы палатаға ауыстырылды. Қазір жағдайы бірқалыпты»,- делінген әкімдік хабарламасында.
Айта кетейік, Әсет Масабаев Талдықорған қаласын 2022 жылдың 4 наурызынан бері басқарып келеді.