Алматы қаласы Спорт басқармасының бірнеше қызметкері аса ірі көлемде бөтеннің мүлкін жымқыру және ысырап ету жолымен кінәлі деп танылды. Бұл туралы Ulysmedia.kz хабарлайды.
Істі Медеу ауданының №2 соты қарады. Анықталғандай, 2020 жылдың қарашасынан 2021 жылдың желтоқсанына дейін Спорт басқармасы қалада кешенді спорттық бағдарламаларды жүзеге асыру мақсатында мемлекеттік сатып алу конкурстарын өткізген.
«Басқарма басшысы қаржы-шаруашылық және элиталық спорт бөлімінің басшыларымен алдын ала келісе отырып, өзінің қызметтік өкілеттігін асыра пайдаланып, жоғары бағамен қызметтерді сатып алған, сонымен қатар іс жүзінде орындалмаған жұмыстардың ақысын төлеген.
«К» ЖШС-нің директоры бірқатар іс-шараларды өткізуге басқарманың рұқсатын алып, премиум санаттағы бұйымдарды, спорттық құрал-жабдықтарды сатып алу құнын асыра бағалау және бірқатар шараларды орындамау арқылы спорттық жарыстарды өткізуге бөлінген бюджет қаражатын ұрлаған», - деп хабарлады сот.
Үш мемлекеттік қызметші мемлекеттік қызметте лауазымдарды атқаруға өмір бойына тыйым салумен 3 жылдан 4 жыл 6 айға дейінгі мерзімге бас бостандығынан айыру жазасына кесілді.
Спорт басқармасының басшысына қатысты президентке мемлекеттік награда – «Ерен еңбегі үшін» медалінен айыру туралы ұсыныс енгізілді.
ЖШС директоры 7 жыл 6 ай мерзімге бас бостандығынан айырылды.
Сотталғандардан мемлекет есебінен 330 миллион теңге материалдық шығын өндірілді.