Ресей президенті Владимир Путин Грузияның ресейлік визаларды алып тастауына қатысты реакциясына «қатты таң қалғанын» айтты, деп хабарлайды Ulysmedia.kz.
"Мен үшін одан кейінгі реакция мүлдем күтпеген жағдай болды. Мен бәрі де жақсы, керемет деп ойладым. Жоқ, бұл мүлдем түсініксіз ахуал, күтпеген жағдай. Олар мүлдем ақылсыз ба, немене?” – деді Путин.
Ресей президенті демалыс маусымына дейін визалық режимді жою туралы шешім қабылдағанын атап өтті.
21 мамырда Тбилиси халықаралық әуежайында Ресейден соңғы төрт жылдағы алғашқы ұшақ келгеннен кейінгі шерулерге қатысқан бірнеше адам ұсталды.
2019 жылы Ресей үкіметі Грузияға тікелей рейстерге тыйым салған болатын, бірақ 2023 жылдың 10 мамырында Ресей президенті Владимир Путин бұл шектеуді алып тастады.
Еске салайық, наурызда Грузияда «шетел агенттері» туралы заңға байланысты наразылық акциялары өткен болатын.
Шерушілер: «Ресей заңына жол жоқ» деп ұрандатты. «Грузия», «Парламентте әйелдер көбірек», «Толық бақылауға жол жоқ!», «Еуропалық таңдауды бізден тартып алуға болмайды, Еуропа - біздің конституциялық таңдауымыз» деген айқайлар естілді.