Қазақ ұлттық аграрлық зерттеу университетінің ғалымдары заңсыз шығарылған активтерді қайтаруды талап етті, деп хабарлайды Ulysmedia.kz.
"2023 жылғы 31 мамырда ҚазҰАЗУ акт залында университеттің Ғылыми кеңесінің кеңейтілген отырысы өтті, оған ЖОО басшылығы, құрылымдық бөлімшелердің басшылары, факультет декандары, кафедра меңгерушілері мен оқытушылар қатысты. Ғылыми кеңестің негізгі мәселесі бойынша Басқарма төрағасының орынбасары – ҚазҰАЗУ ректоры Сұлтанғазиев Қуат Елеусізұлы "Университет инфрақұрылымын дамыту мәселелері және оларды шешу жолдары" атты баяндамасымен сөз сөйледі. Баяндаманы талқылау барысында ҚазҰАЗУ ғалымдары заңсыз шығарылған активтерді университетке қайтару қажеттілігі туралы мәселе көтерді", - делінген ЖОО хабарламасында.
Университет заңсыз шығарылған активтердің тізімін жариялады:
- 1 мың төсек-орынға арналған үш студенттік жатақхана;
- жалпы ауданы 18 828,5 шаршы метр бес оқу-зертханалық корпус;
- жалпы ауданы 1,8 гектар оқу спорт кешені бар бір стадион;
- жалпы ауданы 700 шаршы метр әкімшілік-шаруашылық ғимараттар мен өзге де жылжымайтын мүлік объектілері;
- жалпы ауданы 5 гектарға жуық университет ғимараттарына іргелес жер учаскелері;
- Алматы облысының Талғар және Еңбекшіқазақ аудандарында орналасқан университеттің оқу-тәжірибелік шаруашылықтарындағы жер учаскелері – 12 гектар.
Сондай-ақ ЖОО-ның бұрын иеліктен шығарылған жылжымайтын мүлік объектілерінің тізімі ұсынылды:
1. Алматы, Назарбаев даңғылы, 176 мекен-жайында орналасқан, тұрғын үйге айналдырылған және жеке тұлғалар жекешелендірген агрономия факультетінің студенттік жатақханасы;
2. Алматы, Абай даңғылы, 30 мекенжайы бойынша орналасқан жалпы ауданы 4047 ш. м. "Зооинженерия" факультетінің студенттік жатақханасы;
3. Алматы, Абай даңғылы, 26а мекенжайында орналасқан жалпы ауданы 10 431 шаршы метр "Зооинженерия" және "ветеринария" факультеттерінің оқу-зертханалық корпустары.
4. "Зооинженерия" факультетінің студенттік жатақханасының жалпы ауданы 1684,6 ш.м., ауданы 0,3076 га жер учаскесі бар, Алматы, Бостандық ауданы, Сәтбаев көшесі, 7А мекенжайында орналасқан.
5. Бұрынғы "Ауыл шаруашылығын электрлендіру" факультетінің жер учаскесі бар оқу корпусы: Алматы, Абай даңғылы, 8А. №2032 мемлекеттік меншікті сатып алу-сату шарты, оған сәйкес "Халықаралық бизнес университеті" ЖШС меншігіне берілген, 2001 жылғы 14 желтоқсанда жасалған;
6. Бұрынғы "Ауыл шаруашылығын механикаландыру" факультетінің жер учаскесі бар ауданы 997,5 шаршы метр (0,0388 га), Алматы, Абай даңғылы, 8-8 мекен-жайында орналасқан оқу корпусының бөлігі, ол 2001 жылғы 6 маусымда №1963 мемлекеттік меншікті сатып алу-сату шарты бойынша "ҚР Үстел теннисі федерациясы" ҚБ меншігіне берілді;
7. Алматы, Абай даңғылы, 28 мекенжайы бойынша ауданы 1,8051 га іргелес жер учаскелері бар 1206,0 шаршы метр оқу спорт корпусы бар Стадион. 2007 жылы сенімгерлік басқаруға берілді және кейіннен "Ирида ИНВЕСТ" ЖШС иеліктен шығарды;
8. Алматы, Абай даңғылы, 8 мекенжайында орналасқан әкімшілік-шаруашылық ғимараттар мен жер учаскесі (0,3083 га) 2006 жылғы 20 қарашада "Ирида ИНВЕСТ" ЖШС меншігіне берілді. Университет аумағында "РАМС-Қазақстан" ЖШС көппәтерлі тұрғын үйдің құрылысы басталды, алайда жақын маңдағы үйлер тұрғындарының, университет оқытушылары мен студенттерінің талабы бойынша Алматы әкімі шешімімен нысанның құрылысы 2021 жылы тоқтатылды.
9. Алматы, Абай даңғылы, 28 мекенжайында орналасқан оқу және әкімшілік ғимараттар, аяқталмаған құрылыс объектісі және жер учаскесі (0,9051 га) "ИРИДА"ЖШС меншігіне берілді.