Алматыда қаңтар оқиғасы кезінде зардап шеккен 1640 кәсіпорынға 16,2 млрд теңге сомасында өтемақы төленген, деп хабарлайды Ulysmedia.kz.
Бұл туралы қала әкімінің орынбасары Асқар Әмрин мәлім етті.
Оның айтуынша, кәсіпорындардың 95%-ы төлемдерді қысқа мерзімде -– 2023 жылдың 1 маусымына дейін алды.
"Қаржының бір бөлігі "Жаңа Алатау" қорынан бөлінді – олар 1 294,8 млн теңгеге 636 өтінімді қайтаруға көмектесті. Ал бюджет қаржысы есебінен 14 899,5 млн теңгеге 1 011 өтінім қанағаттандырылды", – деді Әмрин мәслихаттың VI сессиясында сөйлеген сөзінде.
Айта кетейік, бұдан бұрын Қаңтарда қиратылып, өртелген Алматы әкімдігінің ғимараты қашан жөнделіп бітетіні айтылған.