6 шілде күні қазақстандықтар Астана күнін атап өтеді. Осыған байланысты Астана әкімдігі қалада мерекелік отшашу бола ма деген сауалға жауап берді, деп хабарлайды Ulysmedia.kz.
Әкімдіктегілердің сөзінше, қала күнінде отшашу болмайды.
Дегенмен, ведомство Астананың 25 жылдығына орай 100-ден астам іс-шараны өткізу жоспарланып отырғанын атап өтті. Оның 90-ға жуығы елорданың барлық тұрғыны мен қонақтары үшін тегін болады.
"Сонымен қатар мереке күндері бірқатар әлеуметтік нысандар ашылады, оның ішінде Оқушылар сарайы, дене шынықтыру-сауықтыру кешені, аулалар, қоғамдық орындар, үлескерлерге пәтер кілттерін табыстау және т.б. шаралар болады", – делінген хабарламада.
Айта кетейік, елорда күніне орай ұйымдастырылатын отшашу үшінші жыл қатарынан тоқтатылып келеді. Соңғы рет отшашулар жанжалмен аяқталған.
2022 жылы пандемия кезінде елде коронавирус пен пневмониядан өлім-жітім көбейген тұста мерекелік отшашу ұйымдастырылмақ болған. Сол кезде Астана әкімдігіндегілер отшашу арқылы дәрігерлерді қолдағысы келгенін айтып ақталған еді.