Жыл басынан бері @eGov.kz порталы арқылы емханаға тіркелу үшін 1 897 088 азамат онлайн өтінім берген, деп хабарлайды ulysmedia.kz.
egov.kz порталы арқылы емханаға тіркелуге өтінім беру үшін:
Тек авторланудан өту қажет;
Электрондық өтінімді толтыру керек;
Көрсетілген қызмет нәтижесі жеке кабинетіңізге жіберіледі.
egov.kz-ның телеграм парақшасында жазылғандай, тіркелу науқаны және емхананы еркін таңдау мүмкіндігі барлық қазақстандықтарға консультациялық-диагностикалық қызметтерге жолдаманы, ауруханаға жатуды, кез келген жоспарлы медициналық көмекті және т.б. қоса алғанда, денсаулық сақтау жүйесіндегі барлық медициналық көмек түрлерін алуға құқық береді.