Шілде айында МАЭК-тегі апаттан кейін республикада мұнай мен газ өндіру қалыпты жағдайға келді, деп хабарлайды Ulysmedia.kz.
ҚР Отын-энергетика кешені ахуалдық-талдау орталығының мәліметінше, 17 қыркүйектен бастап мұнай өндіруші кәсіпорындардың өндірісі әдеттегі нормаға оралып, тәулігіне 250 мың тоннадан асты. Бұл ретте 21 қыркүйекте кәсіпорындар 256,2 мың тонна мұнай мен газ конденсатын өндірді.
Күнделікті газ өндіру көлемі де қалпына келтірілуде. Қазір оның көлемі 172,4 млн текше метрді құрайды. Бұл 2022 жылдың 11 қыркүйегінде 92,4 миллион текше метр өндірілген 11 айдағы ең төменгі көрсеткіштен екі есеге жуық көп.