Әлеуметтік желілерде халықаралық террористік ұйымдардың үгіт-насихат материалдарын таратты деп күдікпен Батыс Қазақстан облысының тұрғыны ұсталды, деп хабарлайды Ulysmedia.kz.
ҰҚК мәліметінше, күдікті бұрын террористік әрекеті үшін сотталған болатын.
“Тергеу іс-қимылдары барысында оның тұрғылықты жері бойынша діни әдебиеттер мен өзге де заттай дәлелдемелер тәркіленді. Аталған адамға қатысты Қылмыстық кодекстің 256-бабының 2-бөлігі бойынша сотқа дейінгі тергеп-тексеру жүргізілуде. Қылмыстық-процестік кодекстің 201-бабының 1-бөлігіне сәйкес өзге ақпараттар жария етуге жатпайды”, – делінген комитет хабарламасында.
Айта кетейік, бұдан бұрын терроризмді насихаттап, діни алауыздықты қоздырған және лаңкестік топтың әрекетіне қатысқан Ұлытау облысының тұрғынына үкім шыққан.