Елорданың мониторингтік топтары қаланың кәсіпкерлік нысандарында карантин талаптары бұзылғанын анықтай отырып, тәулік бойы күшейтілген режимде жұмыс істеуде, деп хабарлайды ulysmedia.kz.
Нұр-Сұлтан әкімдігінің мәліметінше, 15 қазан күні 9 елордалық мекеме шектеу және карантин шараларын бұзды.
Алматы ауданында «Лапша» мейрамханасы, «Киш миш», «Gentles» кафелері, «Мармелад» лаундж-бары белгіленген жұмыс режимін сақтаған жоқ.
Сарыарқа ауданында орналасқан «Барвиха» лаундж-барында, «Oina» ойын клубында, «Рыба моей мечты» караокесінде карантин шаралары бұзылды.
Сондай-ақ, тәртіп бұзушылар тізіміне Есіл ауданындағы «Garage» мейрамханалық кешені мен «Inforno» рестобары енді.
Мекеме иелеріне қатысты жиналған материалдар тиісті әкімшілік шаралар қабылдау үшін санитарлық-эпидемиологиялық бақылау саласындағы уәкілетті органға жіберілді.
Айта кету керек, індет көрсеткішінің азайғанына қарамастан, коронавирустан қорғанудың жалғыз, тиімді амалы вакцинация арқылы ұжымдық иммунитетті қалыптастыру, сондай-ақ санитарлық нормаларды сақтау болып саналады.