Өрт сөндірушілер 90 жастағы қарияны құтқарды деп хабарлайды Ulysmedia.kz.
Желіде тараған бейнежазбада құтқарушылардың әжені өртеніп жатқан үйден алып шыққаны көрінеді.
Жалпы 14 қараша кешке Ақтөбе облысында болған оқыс оқиға кезінде 1931 жылы дүниеге келген қарт кісіден бөлек, тағы тоғыз адам қауіпсіз жерге апарылған. Нәтижесінде ешкім зардап шекпеген.
Ал әжені көтеріп алып, тілсіз жаудың құрсауынан арашалаған құтқарушының аты-жөні Мейрамбек Самрат, жасы 23-те екені анықталуда. Оған өзі істейтін мекеменің басшылығы алғыс білдірді.