Ulysmedia-ның дәстүрлі сауалына ең қысқа жауап берген әкім Ғали Есқалиев болды.
БҚО басшысы 2021 жылы 10 рет республикалық телеарналарға видеосұхбат бергенін хабарлаған. Бірақ, қай БАҚ және қандай бағдарлама екенін атап көрсетпеген.
«Облыс әкімінің қызметтік автокөлігі – 2014 жылғы Toyota Land Cruiser 200»,- делінген жауапта.
Ең қызығы, жалақысын әкімдіктің ресми сайтынан біліп алуға сілтеген.
«Облыс әкімінің жалақысы Батыс Қазақстан облысы әкімдігінің ресми сайтында орналастырылған https://www.gov.kz/memleket/entities/bko?lang=kk», - делінген жауапта.
Алайда сілтемеге өтсең, сайттың басты беті ашылды. Жүздеген айдар ішінен әкімнің жалқысы қай бөлімде жарияланғаны белгісіз.
Еске сала кетейік, Ulysmedia.kz әкімдердің ашықтығын анықтау мақсатында, БАҚ-қа берген сұхбаты, қызметтік көлігі және жалақысы жайлы 14 облыс пен 3 мегаполиске ресми сауал жолдаған. Бүгінге дейін біраз әкімнен жауап келіп үлгерді. Белгілі болғандай, олбыс әкімдерінің айлығы 1,9 млн теңгені құрайды.