Пара алып ұсталған Атырау облысы әкімінің орынбасары Бақытгүл Хаменова уақытша ұстау изоляторынан үйқамаққа жіберілді, деп хабарлайды Ulysmedia.kz.
@yyedilov телеграм арнасы хабарлағандай, сот оны 2 айға қамауға алуға рұқсат беруден бас тартқан.
Еске сала кетейік, Сыбайлас жемқорлыққа қарсы қызметінің мәліметінше, Атырау облысы әкімінің орынбасары Бақытгүл Хаменова мен Атырау облысы мәдениет басқармасының басшысы Ақылбек Рысқалиев Атырау қаласында Абай ескерткішін жасау және орнату бойынша 145 млн теңге сомасына мемлекеттік сатып алу шартын жасағаны үшін адамдар тобымен алдын ала сөз байласу арқылы ЖШС басшысынан 4,5 млн. теңге сомасында пара алу күдігіне ілінді.