Елдің экс-президенті Нұрсұлтан Назарбаевтың кітапханасын мемлекеттік қаржыландыруды қысқарту мәселесі наурыз айында қаралмақ, деп хабарлайды Ulysmedia.kz.
Бұл туралы Қаржы министрі Ерұлан Жамаубаев мәлімдеді.
"Біз жылдан жылға барлық шығындарды оңтайландыратын боламыз. Оның ішінде кітапхананы қаржыландыру да қысқарады. Наурызда бюджетті нақтылау кезінде бұл мәселені қарайтын боламыз", – деді министр Үкімет кулуарында.
Айта кетейік, бұдан бұрын Нұрсұлтан Назарбаевтың кеңсесіне көліктік қызмет көрсетуге бюджеттен 65 млн теңге жұмсалатыны хабарланған.