“Астана” халықаралық қаржы орталығы жақында Астанада өткен Шанхай Ынтымақтастық Ұйымы саммитінен кейін тек экономистердің ғана емес, саясаткерлердің де назарын өзіне аударды.
Бұған дейін халықаралық қаржы орталығының базасында ұйым аясындағы жобаларды қаржыландырудың арнайы механизмдерін әзірлеу туралы да айтылған еді. Бұл механизмдер қалай жүзеге асады, одан Қазақстанға қандай пайда бар? Орталық аясында қанша компания тіркелді? Салық жағы қалай болып жатыр?
Осы орайда, арнайы қазақ аудиториясы үшін Астана халықаралық қаржы орталығының басқарушысы Ренат Бектұровты сұхбатқа тартқан едік. Ренат мырза өз жұмысынан бөлек, қазақ тілінің тағдырына да қатысты өз ойын айтты. Бес бала тәрбиелеп отырған әке ретінде қазақ тіліндегі әдебиеттерге көңіл бөлу маңыздылығын атап, ал келешекте қазақ тілі бизнес пен технологияның тілі болады деген пікірін жеткізді.
Сондай-ақ биржа, криптовалюта, әлемде болып жатқан соңғы технологиялық трендтер туралы да сұхбатта кеңінен айтылды.
Көріңіздер, пікір қосыңыздар, бөлісіңіздер.