«Ұлыссұхбатта» қонақта – ҚР ЭГТРМ Экологиялық реттеу және бақылау комитетінің төрағасы Зұлфұхар Жолдасов. Бұл сұхбатта бас экологпен еліміздегі қоршаған ортаны қорғау саласындағы күйіп тұрған проблемалар мен оларды шешу жолдары жөнінде әңгіме өрбіді.
Орталық халқын қара түтінге тұншықтырып отырған, жұмысшылары жиі қаза болатын Арселор Митталдың бетімен кетуі, Казцинк, Қазақмыс сияқты алып компаниялардың экология талаптарына бағынбауы, Каспийдегі итбалықтардың қырылуы, Атыраудағы мұнай өңдеу зауытынан шығатын лас ауа, заңсыз полигондар жайында сөйлестік.
Сонымен қатар Қазақстанда АЭС салуға экологтар көзқарасы, саладағы жемқорлық, Жолдасовқа жасалған ақпараттық шабуыл мен жабылған жала, мемлекеттік қызметшінің болмысы бойынша пікірлер де осы сұхбатта айтылды.