СҚО-да әлеуметтік төлемдерді төлеуде заң бұзушылықтар орын алған, деп хабарлайды Ulysmedia.kz.
Облыс прокуратурасының мәліметіне қарағанда, Қазақстанда тұрақты тұруға рұқсаты бар 8 шетелдік отбасыға өзге елдегі балалары үшін әлеуметтік жәрдемақы төленген.
Бұл жағдай туралы уәкілетті органға хабардар етілмеген, нәтижесінде 5 млн теңгеден астам сомаға артық қаражат төлеуге жол берілген. Прокурорлық қадағалау актісі бойынша осы отбасыларға төлемдер тоқтатылды, алушылардан алынған жәрдемақыларды ерікті түрде өтеу туралы міндеттемелер алынды – делінген хабарламада.
Бұдан былай мұндай фактілерді болдырмау мақсатында әлеуметтік қорғау органдары азаматтардың мемлекеттік шекарадан өтуі туралы деректермен алмасу бөлігінде ақпараттық жүйелерді интеграциялау жөнінде шаралар қабылдамақ.