Солтүстік Қазақстан облысының прокуратурасы өңір азаматтарын депутаттыққа кандидаттардың үгіт материалдарын бүлдірмеуге шақырады, деп хабарлайды Ulysmedia.kz.
Ведомство үгіт материалдарына зақым келтірген азаматқа 15 АЕК (51 750 теңге) көлемінде айыппұл салынатынын ескертеді.
«Облыста үгіт-насихат материалдарын жоюдың екі фактісі тіркелді. Ол үшін азаматтар әкімшілік жауапкершілікке тартылды. Үгіт-насихат материалдары тұрған жерге бейнебақылау орнатылғанын атап өтеміз», - деді Солтүстік Қазақстан облысының прокуратурасы.
Айта кетейік, осыған дейін депутаттыққа өзін-өзі ұсынған Лұқпан Ахмедьяров әлеуметтік желіде сайлау додасында біреулер жарнама баннерлерін алып тастағанын жазған еді.
Журналистің айтуынша, бұған дейін ол жарнама агенттігімен қаладағы бағыттардағы автобустардың ішінде үгіт-насихат плакаттарын орналастыру туралы келісімге қол қойған. Алайда, кейін автобустан үгіт материалдарын таппай қалған.