Батыс Қазақстан облысы Қаратөбе ауданының Қоржын ауылынан 16 адам тікұшақпен тасымалданды, оның ішінде 6 бала және 2 жүкті әйел бар деп хабарлайды Ulysmedia.kz.
ТЖМ баспасөз қызметінің хабарлауынша, 13 наурызда Қазәуеқұтқару ТЖМ Ми-8 тікұшағымен ұшқан кезде еріген судың тасуы тіркелген.
"Тікұшақ арқылы елді мекенге құтқарушылар мен жүзу құралдарын жеткізу туралы шешім қабылданды. Жоғарыда аталған іс-шараларды өткізу кезінде кенттің 16 тұрғыны Батыс Қазақстан облысы Қаратөбе кентінің аудан орталығына жеткізілді. Ұшу жоспар бойынша сәтті өтті. Қазіргі уақытта адамдар туыстарында", – делінген хабарламада.
Қазіргі уақытта Қоржын кентіне көлік қатынамайды, алайда тұрғын үйлерді су басқан жоқ, азық-түлік пен дәрі-дәрмектер бар. Жасыбай өзеніндегі су өз арнасы бойынша өтеді.
Еске салсақ, бұдан бұрын "Қазгидромет" елдің 10 өңірін су басу қаупі жоғары екенін болжаған.
Ал ҚР Төтенше жағдайлар министрі Юрий Ильин республика бойынша 255 елді мекенді су басуы мүмкін екенін айтты, оның сөзінше, бұл – 127 мыңнан астам үй және 700 мыңнан астам азамат.
Бұдан бұрын еріген қар суының тас жолға, тротуарларға, жеке үйлер мен көпқабатты үйлердің ауласына жайылуына байланысты Оралда төтенше жағдай жарияланған.