Астана әкімдігі үлескерлердің мәселелерін шешетін "Елорда құрылыс компаниясы" ЖШС таратады. Бұл туралы елорда басшысы Жеңіс Қасымбек мәлімдеді, деп хабарлайды Ulysmedia.kz.
– Келесі жылы біз оны таратқымыз келеді, өйткені ол шексіз жұмыс істей алмайды. Қазірдің өзінде үлескерлердің екі толқынын мемлекет бюджеттен қаржыландыруға мәжбүр болды. Қала тұрғындары бұл сіз бен құрылыс компаниясы арасындағы шарт қатынастары екенін түсінуі керек. Егер сіз, мысалы, төлей алмасаңыз, мемлекет сіз үшін құрылыс компаниясына қосымша ақы төлемейді. Егер сізде келісімшарт қатынастары бар құрылыс компаниясы құрылысты аяқтай алмаса, мемлекет бұл үйлерді аяқтауға міндетті емес, – деді Қасымбек ОКҚ брифингінде.
Сондықтан алдағы уақытта әкімдік бұл проблемаларды шешуді, тікелей қаржыландыруды тоқтатпақ. Алайда, қала басшысының айтуынша, "форс-мажор шарттары" болуы мүмкін.
– Бұл жағдайда біз басқа да шаралар қабылдаймыз. Бірақ бюджет есебінен құрылысты тікелей қаржыландыру болмайды, - деп түсіндірді Қасымбек.
Әкім проблемалық үлестік құрылыстың екінші толқыны 16 мың отбасы мен 140-қа жуық аяқталмаған үйді қамтитынын атап өтеді. Қалада 3-4 проблемалық үй қалған.
"Елорда құрылыс компаниясы" ЖШС қала әкімдігі жанынан проблемалық объектілердің құрылысын аяқтау үшін арнайы құрылған.