• Ulys TV
    • Главная Қоғам Алаяқтар балалар ойыны арқылы ересектердің банк картасы туралы мәлімет жинап жүр

    Алаяқтар балалар ойыны арқылы ересектердің банк картасы туралы мәлімет жинап жүр

    Сымбат Сатыбалдина
    Ulysmedia.kz коллажы

    Алаяқтар жасөспірімдерді алдап, олардың ата-анасының банк карталарына қол жеткізу үшін онлайн-ойындарды пайдаланып жүр, деп хабарлайды Ulysmedia.kz.

     

    МӘН-ЖАЙ

    Бұл туралы балалардың құқықтарын қорғау комитеті мәлімдеді. Комитет мәліметінше, соңғы уақытта жасөспірімдерге бағытталған алаяқтық жағдайлары көбейіп кетті. Алаяқтар онлайн ойындар мен мессенджерлерді (әсіресе Telegram) пайдаланып, балаларды алдап, ата-аналардың банк карталарының деректерін қолға түсіруге немесе кәмелетке толмағандарды заңсыз қаржылық әрекеттерге тартуға тырысады.

    Балаларға ойын арқылы ұтыс ұтып алуға немесе «оңай ақша табуға» болады деп сендіріп:

    • банк карталарының суретін CVV-кодымен бірге сұратады;
    • карталарын «жалға беруді» ұсынады;
    • достары мен сыныптастарының карталарын жинауды сұрайды.

    САЛДАРЫ АУЫР

    Бұл әрекеттердің салдары өте ауыр болуы мүмкін — заң алдында жауапқа тарту қаупі бар және баланың психикасына, өмірге деген сеніміне зиян келтіреді.

    АТА-АНАЛАР НЕ ІСТЕУІ КЕРЕК

    • Баламен ашық сөйлесіп, алаяқтықтың кім екенін және неге банк картасының деректерін ешкімге беруге болмайтынын түсіндіріңіз.
    • Қауіпті арналарға жол бермес үшін ата-ана бақылауын орнатыңыз.
    • Балаңыз интернетте кіммен, не жайлы сөйлесіп жүргенінен хабардар болыңыз.

    Күмәнді әрекеттерді байқасаңыз, бірден құқық қорғау органдарына немесе 111 байланыс орталығына хабарласыңыз.

    Вам будет интересно
    Алдағы демалыс күндері ауа райы қандай болады
    Қазақстанда қайталама нарықтағы пәтерлер күрт қымбаттады
    Қарағандыда әйел аялдамада босанып қалды: шақалақ жансақтау бөлімінде жатыр
    Павлодарда тойға келген қонақтар жаппай уланған: қылмыстық іс қозғалды
    Қазақстанда БАҚ қызметкерлері кәсіби мерекесін атап өтіп жатыр
    Қазақстан Израиль мен Ираннан азаматтарды эвакуациялауды аяқтады