Қазақстан баяу болса да Ескі Қазақстанның өкілдері заңдастырып алған активтерді әупірімдеп қайтарып жатыр. Антикордың мәліметінше, қазірге дейін қайтарылған сома триллион теңгеге жеткен. Мұны сырттай бақылай отырып, екі сөзге келмей, байлығыңды тартып алатын «ескіқазақстандықтардан» зардап шеккен кәсіпкерлер сәт сағаты туды деп шешсе керек.
Олар ендігі кезекте, «Ескі Қазақстанның құрбандары» атты қоғамдық ұйым құрып, бұрынғы гвардиядан қиянат көргендердің қақын дауламақ ниетте.