Қарағанды облысының Топар ауылында сібір жарасының анықталуына байланысты карантин жарияланды, деп хабарлайды Ulysmedia.kz.
Бұл туралы жергілікті әкімдік мәлім етті.
Әкімдіктің хабарлауынша, Абай қаласынан кіреберісте көліктерді санитарлық өңдеуге арналған бағана орнатылған.
«Мал мен сүт өнімдерін әкелуге және әкетуге, мал союға және аумақтан жемшөп пен жемшөп қоспаларын әкетуге тыйым салынады. Аулалардың бірінде сібір жарасының анықталғандығына байланысты осы шаралар жүзеге асырылуда. Барлық қажетті ветеринариялық және санитариялық - эпидемиологиялық іс-шаралар жүргізіледі. Жағдай уәкілетті қызметтердің бақылауында», - делінген хабарламада.
Айта кетейік, бұдан бұрын сібір жарасының анықталуына байланысты Абай облысының Бесқарағай ауданы Жетіжар ауылында төтенша жағдай режимі жарияланған.