Ішкі істер министрінің бірінші орынбасары Марат Қожаев пен полицейлер зорлық-зомбылық құрбанын арызын қайтарып алуға мәжбүрлеген Алматыдағы шулы оқиғаға қатысты пікір білдірді, деп хабарлайды Ulysmedia.kz.
Вице-министр қызметтік тексерудің егжей-тегжейін түсіндірмеді, бірақ бұл жағдай министрліктің ерекше бақылауында екенін және Алматы полиция департаментіне болған оқиғаның мән-жайын анықтау туралы тапсырма берілгенін атап өтті.
- Егер факт расталса, полицейлер жауапкершілікке тартылады, - деді Қожаев.
Естеріңізге сала кетейік, бұған дейін Алматыда полицейлер зорлық-зомбылық құрбанын арыз алуға мәжбүрлегені белгілі болған. Тәртіп сақшылары оны қорқытып, оған сенбейтіндерін ашық айтқан. Полицейлер зорлаушының телефонынан алынған видеоны көргендерін алға тартыпты. Олар тіпті Алмалы ауданының ПБ-ға жеткізген кезде оның қолында шынымен пышақ болғанына көз жұмып отыр.
Ulysmedia.kz жариялаған бейнежазбаның арқасында бұл іс қоғамдық наразылық тудырды, полиция қызметкерлеріне қатысты қызметтік тексеру тағайындалды.