Астанада өтіп жатқан Түркі мемлекеттері ұйымының 10-шы саммитінде Түркия президенті Режеп Тайып Ердоған ортақ әліпби туралы сөз қозғады, деп хабарлайды Ulysmedia.kz.
«Біздің бірлік үшін тіл өте маңызды. Ортақ әліпби өте маңызды. Президенттің қолдауы да өте маңызды. Әрине, бұл жерде жоғары білім кеңесіміз хатшылыққа ұсыныстарын берді. Ол жоғары бағаланар деген үміттеміз», - деді Ердоған.
Айта кетейік, бұдан бұрын Режеп Тайып Ердоған Түркі мемлекеттері ұйымының 10-шы саммитінде жаһандық сындарға төтеп беру үшін түркі елдері бірге болуы керегін айтты.
«Әзербайжандағы соғыс аяқталғаннан кейін ол мемлекет Қарабақты қайтарып алды. Бұл - Әзербайжанның үлкен жетістігі. Қазір бейбітшілікке қарай бір қадам жасадық. Арменияға өз міндеттерін орындау маңызды. Тағы бір маңыздысы – көлік дәлізі. Әзербайжанды Нахчыванмен байланыстыру керек. Бұл дәліз Түркияны Орталық Азиямен қосады. Орталық Азия - біздің бабалардың мекені. Бұл процестерді сәтті аяқтау үшін осы жұмысты сәтті жүргізу керек», - деді ол.